Բազմաթիվ հետազոտություններ ցույց են տալիս, որ Տեղեկատվական և հեռահաղորդակցական տեխնոլոգիաների (ՏՀՏ)-ի նոր միջոցներից օգտվելու շնորհիվ՝ ձեռներեց կանայք բիզնեսն ավելի արդյունավետ են զարգացնում: Հաշվի առնելով այս հանգամանքը, 2014 թ-ին Ասիական Զարգացման Բանկի (ԱԶԲ) ֆինանսավորմամբ և Հայաստանի ՓՄՁ զարգացման ազգային կենտրոնի (ՓՄՋ ԶԱԿ)-ի մասնակցությամբ իրականացվեց “Թվային գրագիտությունը Հայաստանի գործարար կանանց համար” դասընթացների շարքը` Հայաստանի բոլոր մարզերում:
Դասընթացների նպատակն էր բարձրացնել ձեռներեց կանանց ՏՀՏ գրագիտությունը, բիզնեսի կառաավարման մեջ:
Դասընթացը բաղկացած էր երկու բաժնից ՝ հիմնական ու ընդլայնված:
Հիմնական դասընթացը ընդգրկում էր համակարգչային ընդհանուր գրագիտություն` Windows, MS Office, Ինտերնետ/համացանց բրաուզերներ, ինչպես առցանց փնտրել բիզնես տեղեկատվություն, օգտակար նյութերի և կայքերի ցանկը, այդ թվում կառավարական կայքերը, ինչպես բացել և օգտագործել էլեկտրոնային փոստը, ինչպես կազմակերպել բիզնես հաղորդակցություն էլ փոստով:
Ընդլայնված դասընթացը ընդգրկում էր բիզնեսում ՏՀՏ-ի օգտագործումը՝ ինչու և ինչպես պետք է ներկայացված լինել ինտերնետում/համացանցում, ինչպես խթանել բիզնեսը սոցիալական լրատվամիջոցներում, զարգացնել սեփական վեբ էջը, օգտագործել ոլորտին հատուկ ծրագրեր, կազմակերպել առցանց վաճառք, ինչպես վաճառողներ և մատակարարներ փնտրել առցանց:
Այն հատկապես արդիական էր մարզերի գործարար կանանց համար։ Ծրագիրը մեծ գնահատականի արժանացավ մասնակիցների կողմից։
