Ուորչեսթերի պոլիտեխնիկական ինստիտուտի ուսանողների հետազոտական նախագիծը Տեխնովացիա աղջիկներ, Հայաստան ծրագրի շրջանակում
.png)
2019թ հունվարից-ապրիլ ամիսներին Ուորչեսթերի պոլիտեխնիկական ինստիտուտի(Մասաչուսեթս, ԱՄՆ) չորս ուսանողներ իրենց հետազոտական նախագիծն իրականացրին Կանայք և տեղեկատվական հասարակությունը հասարակական կազմակերպությունում՝ Տեխնովացիա Հայաստան ծրագրի շրջանակում։ Նախագիծը ղեկավարում էր պրոֆեսոր Մայք Աղաջանյանը։
Չորս ուսանողներն էին՝ Ջասթին Չենգը, Ալիսա Մեզառոսը, Բրայանա Օուենը, Լուկաս Սաչերերը։
Հետազոտական խմբի գիտական ղեկավարն էր՝ Հոուլի Օուլթը։
.png)
Հետազոտական ծրագրի շրջանակում, ամերիկացի ուսանողներն ուսումնասիրեցին Տեխնովացիա աղջիկներ, Հայաստան ծրագիրը, առանձնացրին հաջողության խթանիչ գործոններն ու առաջարկեցին հետ-ծրագրային միջոցառումների գաղափարներ, որոնք կխթանեն ծրագրին մասնակցած աշակերտուհիներին ծրագրից հետո զարգանալ մասնագիտորեն ու անձնապես։ Ուսանողները հարցաթերթիկներ պատրաստեցին նախորդ տարիներին ծրագրին մասնակցած աշակերտուհիների համար, հարցազրույցներ ունեցան շահագրգիռ կողմերի հետ՝ առանձնացնելու համար ծրագրի ու մասնակիցների հետագա հնարավորություններն ու լավագույն փորձը։ Հետազոտության վերջում առաջարկեցին ութ նախգիծ՝ ծրագիրը խթանելու ու մասնակիցներին մոտիվացնելու համար։
